|
Vinnig en maklik: resepte uit Vrouekeur 2 is die langverwagte opvolg op die Vinnig en maklik: resepte uit Vrouekeur, waarvan al meer as 35 000 kopieë verkoop is. Hierdie tweede boek is die resultaat van herhaalde versoeke van lesers en beslaan 192 bladsye vol watertandlekker geregte waaraan lesers al deur die jare gewoond geraak het.
Vrouekeur se resepte is al meer as tien jaar ’n wegholsukses en vandag nog net so gewild en in aanvraag as met ons ontstaan in 1999, veral omdat dit tydbesparend is, sonder om voedingswaarde in te boet.
Nes sy voorganger, waarborg Vinnig en maklik: resepte uit Vrouekeur 2 om jou baie tyd en moeite in die kombuis te spaar – tyd wat jy aan belangriker dinge kan bestee.
Die sukses van ons resepte lê in hul eenvoud en die feit dat die bestanddele wat jy nodig het, reeds in jou spens is. Kan dit enigsins makliker wees? Nie net gaan jy jou gesin en gaste beïndruk nie, maar jy sal sonder moeite in ’n bobaaskok ontpop.
Marlo Carstens, Vrouekeur se kosredakteur, verstaan die eise van vrou- en mawees en haar resepte sal selfs die vrou wat sku vir kos maak is, inspireer.
Vinnig en maklik: resepte uit Vrouekeur 2 is teen R150 in sagtebandformaat by toonaangewende boekwinkels beskikbaar.
Lesers wat hul bestelling direk deur LAPA doen, kry dit teen ’n spesiale bestelprys van R140 (posgeld en verpakking ingesluit). Bel 012 401 0700 om te bestel. Hierdie aanbod is nie geldig vir webbestellings nie. Besoek www.lapa.co.za vir meer inligting. So maklik soos dit!
|
